محمد عادل يروق ياسر قدح على الفيس بوك , وجماعة قدح تعمل الجلاشة معه

النايب ياسر قدح بيتعامل مع أهل طوخ وقها كأنهم كلهم بصمجية وهتيفةومحدش هيراجع وراه ولا هيقرأ

أي حاجة الحكومة أو المحافظة تعلن عنها، بعدها بنص ساعة تلاقي الشباب اللي ماسكين له السوشيال ميديا داخلين يرمو كلمتين ل ChatGPT يعملهم بيان مزوق ومحنتف وطبعا لا بيقروه ولا فاهمين اللي فيه، كله كوبي بيست مع صورة روشنة، وارمي يا جدع وخد اللقطة واعمل شير… والهتيفة تشير، ويتحسب إنجاز للنائب! .. تقرأ البيان متفهمش منه حاجة وكله داخل فى بعضه علشان chatgpt مش من الدائرة ومش فاهم لغة أهالي طوخ والقري فبيكتب اي كلام وبيقولك اهو محدش فاهم ولا هيقرأ والكل هيذمر وخلاص.. حتي الذكاء الاصطناعي عرف أن الموضوع لقطة واجري ..

مثال بسيط إن محافظ القليوبية نزل طوخ يعاين مكان لدراسة إنشاء موقف، لسه الخبر نازل على صفحة المحافظة… بعدها بدقائق صفحة النائب منزلة “بشرى” إن أزمة الزحام في الموقف هتتحل ببركة النائب وجهده !

كلمت قيادة كبيرة في المحافظة أسأل هل للنائب أي دور في الموضوع؟ قالولي ابعتلنا المنشور ال على صفحته… وبعدها كان الرد واضح: لا النائب ده ولا أي نائب من نواب الدائرة ليهم أي علاقة بالمشروع دا ولا غيروا من المشاريع ، ده شغل وتخطيط الدولة وأجهزتها التنفيذية.. وحتى هما نفسهم استغربوا من اللي اتنشر على صفحة النائب .

واضح إن سياسة اللقطة دي ماشي بيها من أول يوم، ومفيش غيرها.

طب ما صفحة النائب تورينا حتى فيديو واحد وهو بيتكلم في البرلمان؟

بيقدم طلب إحاطة؟ استجواب؟ أي حاجة؟

نسمع صوته ونشوف رؤيته وفكره … إن كان فيه أصلا.

وطول ما كله بيجري ورا اللقطة والهيصة والبطانة الكدابة…

لا نائب هيقدم ولا هيأخر.

بئس الاختيار.. وإحنا آسفين ياشات Gpt

هام وعاجل###$&$:

(اللجان والهتيفة هيتبعت لهم البوست دا على جروب الواتس آب علشان يهاجموا بدون نقاش ولا فهم ولا وعي .. يلا هو هو ياهتيف منك له لها)